شعرشعبي معذور شتريد تكول معذور

معذور شتريد اتكول معذور
ما الومك ابد والكالك اعذار

علي ثكال مرن وانتة مرتاح
لا ليلك حمة ولا ساعة محتار

وانتة على وسادك تمدد خالي البال
مو مثل اليكضي الليل علنار

انتة تنام تسهر تكوم
وانة حتى بهذن ما اكدر اختار

تهدم تراب منة وكف تعبان
مو مثل التفلش كلة وانهار

يالتسولف علمواقف وانتة ها ها
شنو بسفرة حياتك جنت تذكار

حديد انتة ورجفت بساعة الضيج
وانة خشبة و وكفت بوجه منشار

العواذل بيه احبة دوم طالق
سهم بعيونهم كل وكت طالق
وبعد ما اخاف من كل خوف طالق
والشجاع يموت ما يصعب علية

ماصخ جنت وبجفي ملحتك
تلح ما تلح متهمني ملحتك
يعنكود العنب لتضن ملحتك
قبل لا اجيك طحت ابين ادية

ردت مرة على كيفي منك ابسل
وتالي اطلعت روحي منك ابسل
وتدري شراح اسوي من اكبسل
ادج روحي واكلهم عال بية

اضيع بهاية غيرة لو مراية
صورة بيوم توكفلي لو مر اية
شنو كرستالة وجهك لو مراية
اباوع اشوفن كلشي بية

منقول

مشكورررر الهجرس صح لسانك