حوار دارمي بين حبيبين

هو:
احجيلي بالتفصيل احجيلي كلشي
تكضيها كلي شلون من عنك امشي
*****************************
هي:
بين الصبر والشوك اكضي اني وكتي
وماتشفه الا تعود ماتشفه علتي
*****************************
هو:
وشلونج امن الليل يفرش سواده
هم مثلي بس تبجين فوك الوساده
*****************************
هي:
صدكني من الليل يفرش سواده
ابجي وانوح اعليك وابلا هواده
***************************
هو:
وكوليلي بعد النوم من انتي تصحين
الاول المحظوظ المن تصيحين
****************************
هي:
ومن كلك احنه انام والجفن يغفه
ونار الوله والشوك ماترضه تطفه
*****************************
هو:
معقوله هيجي الشوك يلعب بالاحباب
ويتدمر المحبوب محبوبه لو غاب
****************************
هي:
لاتسال الحكمان واسال مجرب
يحترك بس ميتوب صدكني اليحب
*****************************
هو:
وشجابر العشاك عن نار والهم
والشمل ويعرفون ماعمره يلتم
******************************
هي:
اشجابرك سئلوه عالمر يعاشك
غير الامر من هاذ والمره حارك
*****************************
هو:
كوليلي هم تنسين حاولتي مره
محبوبج الخلاج باحوال مره
*****************************
هي:
شنسه النفس والاحباب حبهم بالانفاس
ساكن سواد العين واحساس الاحساس

من ما تصفحت